डॉ. सुधा मूर्ती : प्रसन्न भावमुद्रेच्या धनी

दिवस, वेळ, ठिकाण ठरलेले आणि त्याचबरोबर येणाऱ्या पाहुण्याही ठरलेल्या. पण तयारी चालू ती आमची सगळ्यांचीच. आज आमच्या ऑफिसला डॉ. सुधा मूर्ती येणार म्हटल्यावर मन दोन दिवसांपासून प्रसन्न होते. सर्व जण त्या वेळेची वाट पाहत होते. तो क्षण आला. डॉ. मूर्ती आल्यात. त्यांच्या प्रसन्न मुद्रेने त्यांनी सर्वांना आपलेसे केले. आम्ही त्यांच्याजवळ उभे होतो, यातच आम्हाला मोठेमोठे वाटायला लागले.

डॉ. सुधा मूर्तींसोबत मी आणि माझे सहकारी.

त्यांच्या स्वाक्षरी साठी माझी लगबग सुरु झालेली, त्यासाठी सर्वांचेच प्रयत्नही सुरु होते. आमच्या ऑफिसच्या शोरूमला भेट दिल्यानंतर त्यांनी खास आमच्यासाठी काही क्षण दिलेत. तेव्हा डॉ. मूर्ती यांनी मनमोकळे केले. त्यांनी आम्हाला त्यांची एक छोटीशी गोष्ट सांगितली. ती ऐकून आमच्यापैकी बऱ्याच जणांना भरून आले. त्यांची भावमुद्रा आणि बोलणे याने आम्हाला एक नवीन उर्जा दिली.

त्यांच्या या छोट्याश्या भेटीतून मला त्यांना काही द्यायचे होते. ते मी वहीवर लिहूनही ठेवलेले, त्यांना दाखविले आणि त्यावर त्यांची स्वाक्षरीही घेतली. ते लिहिलेले शब्द पुढीलप्रमाणे :-

" आपली पुस्तके म्हणजे आमच्या आयुष्याचे धडे गिरवताना लागणारे तर आहे पण त्याचबरोबर आपण सांगितलेल्या आजीच्या पोतडीतल्या, थैलीभर किंवा मग गोष्टी माणसांच्या यामधून जीवनाच्या परीघाची ओळख, अस्तित्वाची जाण झाली. सामाजिकतेचे भान आणि विसर पडलेली माणुसकी तुम्ही आपल्या वाइज अदरवाइज, सुकेशिनी, बकुळा आणि पुण्यभूमी भारत मधून दर्शविली.

आपण कितीही मोठे झालो तरी आपण आपले पितृऋण कधीही विसरले नाही पाहिजे.शेवटी काय तर सामान्यांतले असामान्य कोण? याची ओळख करून आपण आपल्या सभोवतालच्या डॉलर बहु, महाश्वेता यांसारख्या डोळे उघडणाऱ्या सत्याचे ज्ञान करून दिले."

नेहमी आम्हाला आपल्या अनुभवातून शब्दधन देण्यासाठी धन्यवाद !!

                                                        - गोपाल अनिलकुमार पालीवाल